တစ်ခါတုန်းက ဥယျာဉ်ထဲမှာ ပန်းသီးပင်ကြီးတစ်ပင်ရှိခဲ့ဖူးတယ် ။
ကောင်လေးတစ်ယောက်ဟာလည်း အဲဒီဥယျာဉ်ထဲက ပန်းသီးပင်ကြီးနားမှာ လာရောက်ဆော့ကစားလေ့ရှိတယ် ။
နေ့တိုင်းဆိုသလို .. အချိုဆုံးအရင့်မှည့်ဆုံးပန်းသီးတွေကိုခူးဆွတ်ပြီး ၊
အပင်ရိပ်အောက်မှာ အေးအေးဆေးဆေးထိုင်စားရတာကို ကောင်လေးက အရမ်းနှစ်သက်ခဲ့တယ်။
ပန်းသီးပင်ကြီးကို ကောင်လေးချစ်ခင်မြတ်နိုးသလိုပဲ ...
ပန်းသီးပင်ကြီးကလည်း ကောင်လေးကို ချစ်ခင်မြတ်နိုးခဲ့တယ် ။
ဒီလိုနဲ့ .... အချိန်တွေခပ်မြန်မြန်ကုန်သွားတယ် ။
ကောင်လေးအရွယ်ရောက်လာခဲ့ပြီ ။
အရင်လို ... ပန်းသီးပင်ကြီးဆီကို နေ့တိုင်းမလာဖြစ်နိုင်တော့ဘူး ။
တစ်နေ့မှာတော့... ... ပန်းသီးပင်အရိပ်အောက်ကို ကောင်လေးရောက်လာပြီး
ကြေကွဲတဲ့မျက်ဝန်းတွေနဲ့ အဝေးကို ငေးမျှော်နေတယ် ။
“ ငါနဲ့ကစားကြမယ်လေ .... ” ပန်းသီးပင်ကြီးက ကောင်လေးကိုဖိတ်ခေါ်တယ် ။
“ ကစားချင်စိတ်လည်း မရှိပါဘူးဗျာ။ အပင်တွေနဲ့ကစားရအောင် ကျနော်က ကလေးမှမဟုတ်တော့တာ။ ”
“ ကျနော် အရုပ်တွေနဲ့ပဲဆော့ချင်တာ ..... ။
ဒါပေမဲ့ အရုပ်ဝယ်ဖို့က .. ပိုက်ဆံလိုတယ်လေ ။”
“ စိတ်မကောင်းပါဘူးကွယ် ။ ငါ့မှာ ပိုက်ဆံတော့မရှိဘူး ။
ဒါပေမဲ့ ငါ့ဆီကအသီးတွေခူးပြီး ဈေးထဲမှာသွားရောင်းရင် မင်းပိုက်ဆံရမှာပေါ့ ။ "
ကောင်လေးအရမ်းစိတ်လှုပ်ရှားသွားတယ် ။ သိပ်စဉ်းစားမနေတော့ပါဘူး ။အပင်ပေါ် လျင်လျင်မြန်မြန်တက်ပြီး
ရှိသမျှအသီးတွေခူးဆွတ်လို့....ခပ်မြန်မြန်ပဲ ပျော်ရွှင်စွာထွက်ခွာသွားတယ် ။
အသီးတွေကုန်စင်အောင် ခူးပြီးကတည်းက ကောင်လေးလည်း ကာလအတန်ကြာပျောက်ကွယ်သွားခဲ့တယ် ။
ပန်းသီးပင်ကြီးလည်း အဖော်မဲ့နေ့ရက်တွေကို ခါးခါးသီးသီးဖြတ်သန်းရတယ် ။
တစ်နေ့ ... ဟိုးအဝေးဆီက တရွေ့ရွေ့နဲ့လာနေတဲ့ကောင်လေးကို တွေ့လိုက်ရတော့
ပန်းသီးပင်ကြီး အရမ်းပျော်ရွှင်သွားတယ် ။
“ ငါနဲ့ကစားမလို့လား ? ” ခပ်တိုးတိုမေးတယ် ။
ကောင်လေးက ပြန်ဖြေတယ် ။ “ ကစားဖို့ အချိန်မရှိပါဘူးဗျာ .. ။
အခုဆို ကျနော့်ကိုယ်ပိုင်မိသားစုအတွက် အလုပ်လုပ်နေရပြီ ။
ဒီနှစ်မိုးရာသီမှာ ကျနော့်ဇနီးနဲ့သားသမီးတွေနေဖို့အတွက် အိမ်တစ်လုံးလိုတယ်လေ ။
ခင်ဗျားကျနော့်ကို ကူညီနိုင်ဦးမလားဗျာ ”
“ စိတ်မကောင်းပါဘူး ကလေးရယ် ၊ ငါ့မှာအိမ်မှမရှိတာ ... ။
ဒါပေမဲ့ မင်းအတွက်တကယ်လိုအပ်ရင်တော့ .. ငါ့အကိုင်းအခက်အလက်တွေကိုခုတ်သွားလေ ။
မင်းတို့တစ်မိသားစု နေစရာအိမ်လောက်တော့ ဆောက်လို့ရမှာပေါ့ ။ ”
ထုံးစံအတိုင်းပဲပေါ့ ...... ။
ကောင်လေးက သစ်ပင်မှာရှိသမျှအကိုင်းအခက်တွေအားလုံးခုတ်ယူပြီး ပျော်ရွှင်စွာထွက်ခွာသွားပြန်တယ် ။
ကောင်လေးပျော်တာကို မြင်ရတော့ သစ်ပင်ကြီးလည်း စိတ်ချမ်းသာမိတယ် ။
ဒါပေမဲ့ .... အဲဒီအချိန်ကစလို့..ကာလအတန်ကြာအောင် ကောင်လေး ထပ်မံပျောက်ကွယ် သွားပြန်တော့တယ် ။
တစ်ခါတစ်ခါ လေတွေတိုက်တယ် ။ တစ်ခါတစ်ခါ မိုးက သည်းသည်းမည်းမည်းရွာတယ် ။
ရာသီဥတုဒဏ်တွေကြားမှာ သစ်ပင်ကြီးကတော့ အထီးကျန်စွာပဲနေ့ရက်တွေကိုဆက်လက်ဖြတ်သန်းတယ်။
နွေရာသီတစ်ရက် အိပ်ရာအနိုးမှာ ... သူ့ပင်စည်အောက် ကောင်လေးပြန်ရောက်နေတာမြင်ရတော့
သစ်ပင်ကြီး အရမ်းဝမ်းသာသွားတယ် ။
“ ငါနဲ့ကစားမယ်လေ ”
“ ကစားချင်စိတ်မရှိပါဘူးဗျာ ။
ကျနော်အခုဆို လောကဓံရဲ့အရိုက်အပုတ်တွေ ၊ ထိုးနှက်ချက်တွေကြောင့် အရမ်းပင်ပန်းနေပြီ ။
စိတ်ရောကိုယ်ပါ အပန်းပြေနိုင်ဖို့အတွက် ပင်လယ်ထဲကို ရွက်လွှင့်ပြီးလျှောက်သွားချင်တယ် ။
ခင်ဗျား ကျနော့်ကို လှေတစ်စင်းလောက်ပေးနိုင်ဦးမလားဗျာ ။ ”
“ ငါ့ရဲ့ပင်စည်ကိုခုတ်ပြီး လှေတစ်စင်းလုပ်လိုက်လေ ။
ဒါဆို ဟိုးအဝေးကြီးအထိ ပျော်ရွှင်စွာ ခရီးထွက်နိုင်မယ်လို့ မျှော်လင့်ပါတယ် ။ ”
ဒီလိုနဲ့ပဲ .. ကောင်လေးဟာ သစ်ပင်ကြီးကို စတင်ခုတ်လှဲပြီး လှေတစ်စင်းဖြစ်အောင်တည်ဆောက်ခဲ့တယ် ။
နောက်တော့ အဲဒီလှေနဲ့ပဲ ပင်လယ်ပြင်ထဲကိုရွက်လွှင့်ထွက်ခွာသွားတော့တယ် ။
နှစ်တွေအများကြီး...အများကြီး ကြာပြီးတဲ့အခါမှာတော့.....
သစ်ပင်ကြီးဆီကို ကောင်လေး တစ်ခေါက်ရောက်လာပြန်တယ် ။
