ဆရာတော်ကြီးများ၏ ဆုံးမစာများနှင့် ဓမ္မစာစုပုံများ

ကုသိုလ်ပူနွေးနေပါစေ (ဆရာတော် အရှင်ဆန္ဒာဓိက)

ကုသိုလ်ပူနွေးနေပါစေဆိုတာက ကုသိုလ်တွေ အေးစက်မနေပါနဲ့တဲ..။
ကုသိုလ်အေးစက်နေတယ်ဆိုတာက ကုသိုလ်တစ်ခုနဲ့တစ်ခုကြားမှာ အချိန်ကာလတွေ
အကြာကြီးခြားနေတဲ့အတွက်ကြောင့် ကုသိုလ်တွေအေးစက်နေပါတယ်..။
ပြုပြီးသားကုသိုလ်တွေလည်း မေ့နေတယ်..နောင်ပြုမဲ့ကုသိုလ်တွေလည်းမေ့နေတက်ပါတယ်.
ကုသိုလ်တစ်ခုနဲ့တစ်ခုကြားမှာ အချိန်ကာလအများကြီးကွာနေတော့ ကိုယ့်ရဲ့စိတ်အစဉ်မှာ ကုသိုလ်ဓာတ်တွေဖြစ်မနေဘူး။
လောလောဆယ် ပူပူနွေးနွေးကုသိုလ်တွေဖြစ်နေဘူး။။ ဒါကို ကုသိုလ်အေးစက်နေပါတယ်လို့ခေါ်ပါတယ်.။
တစ်ချို့က ကုသိုလ်ကောင်းမှု့တွေမမေ့ပါဘူး၊ ကုသိုလ်ကောင်းမှု့တွေအမြဲတမ်းလုပ်နေပါတယ်..၊
မမေ့ပါဘူးဆိုပေမဲ့ တစ်နှစ်မှတစ်ခါကုသိုလ်လုပ်တာမျိုး၊
တစ်လမှ တစ်ခါကုသိုလ်လုပ်တာမျိုး၊ အခါကြီး ရက်ကြီးတွေမှ ကုသိုလ်လုပ်တာမျိုး၊
ဝါ၀င် ၀ါထွက်ကြမှ ကုသိုလ်ကောင်းမှု့ပြုတာမျိုး၊ မွေးနေ့ အထိမ်းအမှတ်နေ့ရောက်မှ ကုသိုလ်ကောင်းမှု့ပြုတာမျိုးဖြစ်နေတယ်..။
အဲဒီတော့ ကုသိုလ်တစ်ခုနဲ့တစ်ခုကြားမှာကုသိုလ်တွေက အချိန်အကြာကြီးခြားနေတဲ့အတွက် စိတ်အစဉ်မှာအမြဲတမ်းကုသိုလ်ဓာတ်တွေဖြစ်မနေဘူး။ ကုသိုလ်ပူနွေးတယ်ဆိုတာက ရှေ့နဲ့နောက်ကုသိုလ်တွေဆက်စပ်နေတာကိုပြောတာ
မနေ့ကလည်း ကုသိုလ်နဲ၊့ ဒီနေ့လည်းကုသိုလ်နဲ၊့ မနက်ဖြန်လည်းကုသိုလ်နဲ့။
အရင်တစ်ပတ်လည်းကုသိုလ်နဲ့၊ အခုတစ်ပတ်လည်းကုသိုလ်နဲ့၊ နောက်တစ်ပတ်လည်းကုသိုလ်နဲ့။
အရင်လလည်း ကုသိုလ်နဲ့၊ အခုလလည်း ကုသိုလ်နဲ့၊ နောက်လလည်း ကုသိုလ်နဲ့။
အတိတ်၊ ပစ္စုပါန်၊ အနာဂါတ် မှာ ကုသိုလ်ကောင်းမှု့တွေ ရှေ့နောက်မပြတ် ဆက်စပ်နေတာကိုပဲ ကုသိုလ်ပူနွေးနေတယ်လို့ခေါ်ပါတယ်..။
ဒါကြောင့်ကုသိုလ်ဟာ တစ်ခါတစ်ရံမှာ ပြတ်တောင်းပြတ်တောင်း လုပ်ပြီး အေးစက်နေတာမျိုးဖြစ်မနေစေရဘူး။
ရှေ့နောက် အဆက်မပြတ် ပြုနေတဲ့အတွက်ကြောင့် ကုသိုလ်ပူနွေးနေတာမျိုးပဲဖြစ်ရမယ်..။
ကုသိုလ်ဆိုတာလည်း ပြု ပြီးအဟောင်းနဲု့ကုသိုလ်ပူနွေးတာရယ်..၊
ပြုဆဲအသစ်နဲ့ကုသိုလ်ပူနွေးတာရယ်၊ ပြုပြီးအဟောင်းနဲု့ကုသိုလ်ပူနွေးတယ်ဆိုတာက ပြု ပြီးတဲ့ကုသိုလ်တွေနဲ့ထပ်တလဲလဲ
အောင်းမေ့သတိရနေတာဖြစ်တယ်.။ ပြုဆဲအသစ်နဲ့ကုသိုလ်ပူနွေးတယ်ဆိုတာက အခုလောလောဆယ်ကို
ကုသိုလ်အသစ်တွေပြုနေတာ နောင်ပြုမဲ့ကုသိုလ်တွေအတွက်လည်း ကြိုတင်ပြင်ဆင်နေတာ အဲဒါဆိုရင် ပြုဆဲအသစ်နဲ့ကုသိုလ်ပူနွေးနေတာလို့ခေါ်တယ်၊။
ပြုပြီးကုသိုလ်အဟောင်းနဲ့လည်းကုသိုလ်ပူနွေးနေရမှာပဲ ပြုဆဲကုသိုလ်အသစ်နဲ့လည်း ကုသိုလ်ပူနွေးနေရမှာပဲ။
ပြုပြီးသားကုသိုလ်အဟောင်းတွေကို သတိရဖို့ဆိုရင် မှတ်တမ်းစာအုပ်ထဲမှာ စနစ်တကျမှတ်သားထားဖို့တော့လိုတယ်။
ဘယ်နေ့ဘယ်ရက်ကို ဘယ်သူ့ကိုဘယ်လောက်လှူလိုက်တယ်..ဘယ်လောက်ကုန်ကျတယ်.. စသည်အားဖြင့်ပေါ့။
ကိုယ်လှူတိုင်း လှူတိုင်း ကိုယ်ပြုလုပ်ထားတဲ့ကုသိုလ်တွေကို မှတ်တမ်းစာအုပ်ထဲမှာပြုစုထားမယ်ဆိုရင်
မကြာမကြာဒီစာအုပ်လေးပြန်ပြန်ဖတ်ပြီးတော့ ငါ ဘယ်နေ့ဘယ်ရက်က ဘာလှူခဲ့တာပါ့လားလို့ ပြန်သတိရပြီးတော့
အခုလောလောဆယ်ကိုလှူနေရသလို၊ အခုလောလောဆယ်ကို ကုသိုလ်ပြုနေရသလို ကုသိုလ်ပူနွေးသွားတယ်။
ဒီအတိုင်းပဲ မှတ်တမ်းစာအုပ်ထဲမှာ မှတ်မထားဘူးဆိုရင်တော့ ကုသိုလ်ကောင်းမှု့တွေမေ့နေတက်တယ်.။
လှူပြီးခါစ နှစ်ရက် သုံးရက်တော့မှတ်မိနေသေးတယ်။ ကြာသွားတဲ့အခါမေ့သွားတက်တယ်..။
ဒါကြောင့် ကုသိုလ်မှတ်တမ်းထဲမှာသေချာမှတ်ထားတယ်ဆိုရင်တော့ စာအုပ်လေးမကြာမကြာပြန်ဖတ်ပြီးတော့ ဘယ်နေ့ဘယ်ရက်က ဘယ်မှာ ဘာလှူခဲ့ဘူးပါ့လားဆိုပြီး ပြန်လည်သတိရပြီး
လှူပြီးသားကုသိုလ်တွေ အစဉ်ထာဝရပူနွေးစေပါတယ်..။
ဒါနကုသိုလ်လေးနဲ့လည်းကုသိုလ်ပူနွေးနေရမယ်..။ တခြား သီလကုသိုလ်၊
ဘာဝနာကုသိုလ်၊ ၀ိပဿနာ ကုသိုလ်တွေနဲ့လည်း ကုသိုလ်ပူနွေးနေရမယ်..။
ပြုဆဲအသစ်နဲ့လည်းကုသိုလ်ပြုနေရမယ်..၊ ဒီနေ့မှာလည်း ကုသိုလ်အသစ်တွေထပ်ပြုနေရမယ်..။
မနက်ဖြန်မှာ ကုသိုလ်အသစ်ပြုဖို့ရှိတယ်ဆိုရင်လည်း မနက်ဖြန်မှာဘာလေးလုပ်ရအုံးမယ်..။
နောက်တစ်ပတ်မှာ လှူ စရာကုသိုလ်တစ်ခုခုစီစဉ် ထားတယ်ဆိုရင်.. နောက်တစ်တော့ဘယ်အလှူ လှူရအုံးမယ်..။
ဘာတွေလုပ်ရအုံးမယ်..။ နောင်အနာဂါတ်နီးနီးမှာ ပြုလုပ်စရာကုသိုလ်တွေရှိတယ်ဆိုရင်တော့
အဲဒီကုသိုလ်တွေ ပူနွေးနေအောင် ကြိုတင်ပြင်ဆင်.. ကြိုတင်စီစဉ်ရင်းနဲ့ပဲ ကိုယ့်စိတ်ထဲမှာ
ကုသိုလ်ဓာတ်တွေ တစ်ဖွားဖွားဖြစ်နေတာကိုက ကုသိုလ်တွေပူနွေးနေတယ်လို့ခေါ်တာပါပဲ..။
အဲဒီတော့ အနာဂါတ်နီးနီးနားနားမှာလည်း ပြုစရာကုသိုလ်အသစ်တွေ အဆင်သင့်ရှိနေရမယ်..။
ပစ္စုပ္ပါန်လောလောဆယ်မှာလည်း ကုသိုလ်တွေပြုနေရမယ်ပေါ့..။
ပြီးခဲ့တဲ့ အတိတ်မှာလည်း နီးနီးကပ်ကပ် ပြုပြီးသား ကုသိုလ်ကောင်းမှု့တွေအဆင်သင့်ရှိနေရမယ်ပေါ့..။
ဒီနေရာမှာ ကုသိုလ်... ကုသိုလ်ဆိုတာ ဒါနကိုအဓိကထားပြီးပြောနေတာပါ..။
ဒါကြောင့်မို့ ဒါနကုသိုလ်ကအမြဲတမ်းပူနွေးနေဖို့လိုပါတယ်..။
လူအများစုက သေခါနီဆိုရင် သီလတို့ သမထ၀ိပဿ နာတို့နဲ့ သေဖို့က သိမ့်မလွယ်ပါဘူး..။
ဒါကြောင့်မို့ သီလ၊ သမထ၀ိပဿနာကုသိုလ်တွေ ဘယ်လောက်ပဲလုပ်လုပ် ဒါနကုသိုလ်ကတော့
လုပ်ကိုလုပ်ကြရမှာဖြစ်တယ်။ တကယ်အရေး တကယ့်ဘေးကျတော့ ဒါနကုသိုလ်က ပိုပြီးအာရုံပြုလို့ပိုလွယ်ပါတယ်..။
သီလအနေနဲ့လည်း မနက်အိပ်ယာထတာနဲ့ မျက်နှာသစ်၊ သန့်စင်ပြီးတော့ (၅)ပါးသီလဆောက်တည်ပါ..။
ဆောက်တည်ပြီးတဲ့အချိန်ကစပြီး လုံခြုံအောင်စောင့်ထိန်းပေါ့။
မနက်က မျက်နှာသစ်ပြီးကတည်းက ငါယူထားတဲ့ ငါးပါးသီလအခုထိမြဲနေတယ်..၊
အခုထိလည်း မကျိုးမပေါက်သေးဘူးဆိုပြီး ဆင်ခြင်ပြီးတော့ ကုသိုလ်တွေဖြစ်ပြီး
သီလကုသိုလ်တွေနဲ့ ကုသိုလ်ပူနွေးနေတာပေါ့..။
သွားရင်း၊ လာရင်း၊ လုပ်ရင်း၊ ကိုင်ရင်း၊ စားရင်း၊ သောက်ရင်း၊ ပြောရင်း၊ ဆိုရင်းနဲ့ပဲ ဘုရားဂုဏ်တော်လေးပွားလိုက်၊
မေတ္တာလေးပို့လိုက် အဆင်ပြေသလိုပေါ့၊ ဂုဏ်တော်ပွားဖို့အဆင်ပြေရင် ဂုဏ်တော်လေးပွါး၊
မေတ္တာလေးပို့ဖို့အဆင်ပြေတယ်ဆိုရင် မေတ္တာလေးပို့ပေါ့..။
နာသီးဝမှာသတိကပ်နေရင် ၀င်လေ ထွက်လေလေးကိုသတိလးနဲ့မှတ်ပြီး ၀င်လေ၊ ထွက်လေလေးရှု့မှတ်ပေါ့၊
သွားတာ၊ လာတာ၊ စားတာ၊ သောက်တာ၊ လုပ်တာ၊ ကိုင်တာ၊..ကိုယ်အမူအရာလေး ဘာပဲဖြစ်ဖြစ်စိတ်အမူအရာလေး ဘာပဲဖြစ်ဖြစ် ဖြစ်တိုင်းပျက်တိုင်းလေးရှု့မှတ်ပေါ့..။
ဒါန၊ သီလ၊ ဘာဝနာ၊ သမထ၀ိပဿနာ ကုသိုလ်ကောင်းမှု့တွေ ပြုပြီးအဟောင်းနဲ့ရော..
ပြုပြီးအသစ်နဲ့ရော ကုသိုလ်တွေပူနွေးနေရမယ်..။
ကိုယ့်စိတ်ထဲမှာ ကုသိုလ်ဓာတ်လေးတွေ အမြဲတမ်းဖြစ်ပြီးတော့ ကုသိုလ်ပူနွေးနေတယ်ဆိုရင်
လောလောဆယ်မှာလည်း စိတ်တွေအေးချမ်းနေတယ်၊ စိတ်တွေပျော်ရွှင်နေတယ်..၊
စိတ်တွေတက်ကြွနေတယ်.၊ နေရထိုင်ရတာ အင်မတန်ချမ်းသာတယ်.၊ ပီတိတွေဖြစ်ရတယ်ပေါ့၊
ကုသိုလ်ရဲ့ သဘာဝသတ္တိကိုက စိတ်ကို အေးချမ်းစေပါတယ်၊ စိတ်ကိုပီတိဖြစ်စေတယ်၊
စိတ်ကိုနှစ်သက်ဝမ်းမြောက်စေတယ်.၊။
ဒီတော့ ကုသိုလ်ပူနွေးနေမယ်ဆိုရင် လောလောဆယ်မှာလည်း အသက်ထင်ရှားရှိနေစဉ်မှာလည်း စိတ်အေးချမ်းပါတယ်..။
သေတယ်ဆိုတာလည်း နေတာလေး ပျောက်သွားတာကိုပဲသေတယ်လို့ခေါ်တာပါ.။
နေတာလေး ဆက်တိုက်ဆက်တိုက် ဖြစ်နေတာကနေ မနေရတာကိုပဲ သေတယ်ခေါ်တာဆိုတော့
အချိန်တိုင်း အချိန်တိုင်း ကုသိုလ်တစ်ခုမဟုတ်တစ်ခုနဲ့ ပူနွေးနေတယ်ဆိုရင် တစ်ခုမဟုတ်တစ်ခု အာရုံပြုရင်းနဲ့ ဖြတ်ခနဲရယ်လို့ သေသွားမယ်ဆိုရင်လည်း ကုသိုလ်အာရုံနဲ့သေတဲ့အတွက် ကောင်းရာသုဂတိကိုသေချာပေါက်ရောက်မှာပါပဲ။
အသေလှတဲ့သူတွေဖြစ်ကြမှာပါပဲ။  ဒါကြောင့် အနေလည်းလှ အသေလည်းလှ၊ အနေလည်းအေး အသေလည်းအေး၊
အနေလည်းကောင်း အသေလည်းကောင်း၊ အနေလည်းမြတ် အသေလည်းမြတ်၊ အနေလည်းပျော် အသေလည်းပျော်
ဖြစ်ချင်တယ်ဆိုရင် ပြု ပြီးကုသိုလ်အဟောင်းနဲ့လည်း ကုသိုလ်တွေပူနွေးနေပါစေ။ ပြု ဆဲကုသိုလ်အသစ်နဲ့လည်း ကုသိုလ်တွေပူနွေးနေပါစေ။
ကုသိုလ်ပူနွေးအောင် ကြိုးစားအားထုတ်နိုင်ကြတဲ့အတွက် မိမိတို့တောင်းတတဲ့ ဗောဓိဥာဏ်နှင့်တကွ နိဗ္ဗာန်ချမ်းသာကို
လျင်မြန်စွာ မျက်မောက်ပြုနိုင်ကြပါစေလို့ ဆုမွန်ကောင်းတောင်းရင်းနဲ့ ဆရာတော်အရှင်ဆန္ဒာဓိကရဲ့ ကုသိုလ်ပူနွေးပါစေဆိုတဲ့
တရားတော်ဖြင့် ဓမ္မဒါနပြုအပ်ပါသည်...။

ကုသိုလ်ပူနွေးစေရန်အတွက်... ၂၀၁၄ ခုနှစ်အတွက် လှူဖြစ်ခဲ့သော ကုသိုလ်မှတ်တမ်းလေးကိုလည်း ဓမ္မမိတ်ဆွေများ နှင့်သူငယ်ချင်းတို့အား ဘာဝနာကုသိုလ်ရရန်အလို့ငှာ.. ဓမ္မဒါနပြုလိုက်ပါတယ်..။
မိမိလှူဒါန်းထားသော ကုသိုလ်မှတ်တမ်းလေးကို ကြည့်ရင်း ကုသိုလ်ပီတိဖြစ်မိပါတယ်..။

၁။ အဆောင်ရှိဘုရားခန်းတွင် နေ့စဉ် ပန်း၊ ရေချမ်း   လဲလှယ် ကပ်  လှူခြင်းတို့ဖြင့်ကုသိုလ်ယူခဲ့ပါသည်..။
၂။ အင်္ဂါနေ့နှင့် ကြာသပတေးနေ့နံနက်တိုင်းတွင် ပဇ္ဇောရုံကျောင်းမှ သံဃာတော်အရှင်သူမြတ်တို့အား ဆွမ်းလောင်းလှူခြင်းတို့ဖြင့် ကုသိုလ်ယူခဲ့ပါသည်..။
၃။ (23.2.2014) နေ့တွင် မွန်မြတ်သောသွေးလှူဒါန်းခြင်းဖြင့် ကုသိုလ်ယူခဲ့ပါသည်..။
၎။ (16.3.2014) နေ့တွင် ပဇ္ဇောရုံကျောင်းမှ သံဃာတော်များအတွက် တရားစာအုပ်များကို သူငယ်ချင်းများနှင့် စုပေါင်း၍ လှူဒါန်းခြင်းဖြင့် ကုသိုလ်ယူခဲ့ပါသည်..။
၅။ ဖားအောက်တောရတပ်ဦးဓမ္မရိပ်သာတွင် (26.4.2014) နေ့မှစပြီး ယနေ့ထိတိုင် စနေနေ့နှင့် တနင်္ဂနွေနေ့တို့တွင်  အချိန်ပိုင်းယောဂီအဖြစ် တရားစခန်းဝင်၍ တရားအားထုတ်ခြင်းနှင့် ဘုရားပန်းများလဲလှယ်ခြင်း၊ သန့်ရှင်းရေးများပြုလုပ်ခြင်းတို့ဖြင့် ဝေယျာဝစ္စကုသိုလ်ယူခဲ့ပါသည်..။
၆။ (13.4.2014) နေ့တွင် ပဇ္ဇောရုံကျောင်းတွင်ပြုလုပ်သော ဆွမ်းဆန်စိမ်းလောင်းလှူပွဲတွင် သူငယ်ချင်းများနှင့် စုပေါင်း၍ ဆွမ်းဆန်စိမ်းလောင်းလှူခြင်းတို့ဖြင့် ကုသိုလ်ယူခဲ့ပါသည်..။
၇။  ဖားအောက်တောရတပ်ဦးဓမ္မရိပ်သာတွင် ဖွင့်လှစ်သော ဗုဒ္ဓဘာသာယဉ်ကျေးမှု့သင်တန်းတွင် (11.5.2014, 18.5.2014) နေ့တို့တွင် ကလေးငယ်များအား စာသင်ပေးခြင်းဖြင့် ဓမ္မဒါနကုသိုလ်ယူခဲ့ပါသည်..။
၈။  (24.5.2014) နေ့တွင် ဖားအောက်တောရတပ်ဦးဓမ္မရိပ်သာ၌ မွေးနေ့အာရုဏ်ဆွမ်းအဖြစ် ရှမ်းခေါက်ဆွဲများဖြင့်ကပ်လှူပူဇော်ခဲ့ပါသည်..။
၉။  (30.5.2014) နေ့တွင် ရုံးမှ သူငယ်ချင်းများအား မွေးနေ့အလှူအဖြင့်ရေခဲမုန့်နှင့် ကိတ်မုန့်များ ကျွေးမွေးခြင်းဖြင့် ကုသိုလ်ယူလှူဒါန်းခဲ့ပါသည်..။

သာဓု..သာဓု..သာဓု ပါ.. ထပ်တူထပ်မျှကုသိုလ်ရကြပါစေ...။

ပဋိစ္စသမုပ္ပါဒ်နှင့် ၀ိပဿနာ

"လောကကြီးဟာ တယ်ပြီး ဒုက္ခရောက်နေပါလား" ၊ ဘာဖြစ်လို့တုန်းဆိုရင် (ကိုယ့်ကိုကိုယ်လည်း စဉ်းစားပေါ့လေ)
"အိုရတယ်၊ နာရတယ်၊ သေရတယ်၊ သေပြီးလျှင် ပြန်မွေးရအုန်းမယ်၊ မွေးပြီးရင် ပြန်သေရအုန်းမယ်၊
 မွေးလိုက် သေလိုက်၊ စုန်ချီဆန်ချီ သံသရာထဲမှာ လည်နေရတာ"
ရပ်လို့မရတဲ့ ပြဿနာတခုလိုဘဲ ဖြစ်နေတယ်။

အိုခြင်း၊ နာခြင်း၊ သေခြင်းလို့ဆိုတာ လူတွေရဲ့ မဖြေရှင်းနိုင်တဲ့ ပြဿနာ၊
လူမှုရေးပြဿနာတို့၊ နိုင်ငံရေးပြဿနာတို့၊ မိသားစု ပြဿနာတို့၊
ဒါကို ပြဿနာလို့ထင်တယ်။ အိုတာ နာတာကို ပြဿနာလို့ မယူဆကြဘူး။
လူ့သဘာဝလို့ ယူဆကြတယ်.။
အဲဒါကြောင့် ပြဿနာလို့ မယူဆကြလို့ ဘယ်တော့မှ အဖြေရှာကြမှာ မဟုတ်ဘူး၊
ပြဿနာလို့ ယူဆမှသာ အဖြေရှာကြမှာ ဖြစ်တယ်..။

ဘုရားလောင်းတွေကျတော့ အိုတာ၊ နာတာ၊ သေတာကို ပြဿနာလို့ ယူဆကြတယ်၊ problem ပေါ့၊
ဘုရားလောင်းတွေက စဉ်းစားကြတယ်၊ ပြန်ပြီးတော့ မွေးရအုံးမယ်၊
ဒီ အိုရ၊ နာရ၊ သေရတာတွေဟာ ဘာကြောင့် ဖြစ်နေရတာလည်းဆိုတာ အဖြေထုတ်ကြည့်တော့
မွေးဖွားခြင်းဆိုတဲ့ ဇာတိရှိလို့ ဖြစ်နေရပါလားလို့၊ ဒါဖြင့် မွေးဖွားခြင်းဆိုတဲ့ ဇာတိ ဘာဖြစ်လို့ လာတုန်းဆိုတော့၊
ဘ၀ရှိနေလို့ပါလား၊ ဘာဖြစ်လို့ ဘ၀ကရှိရပြန်တာတုန်းဆိုတော့ ဥပါဒါန်ဆိုတဲ့ အစွဲအလန်း ရှိနေလို့ဘဲ၊
အဲဥပါဒါန်က ဘာဖြစ်လို့ ရှိရပြန်တာတုန်းဆိုတော့ တဏှာဆိုတဲ့ လိုချင်မှုရှိနေလို့ဘဲ၊
တဏှာဆိုတာက ဘာဖြစ်လို့ရှိနေတာတုန်းဆိုရင် ခံစားမှုဆိုတဲ့ ဝေဒနာရှိနေလို့ဘဲ။
စိတ်ရဲ့ ခံစားမှုဝေဒနာ ဘာဖြစ်လို့ရှိရတုန်းဆိုရင် အာရုံနဲ့ ဆုံမိတဲ့ ဖဿရှိနေလို့ဘဲ၊
ဒါဖြင့်လျှင် အာရုံနဲ့ဆုံမိတဲ့ ဖဿက ဘာဖြစ်လို့ရှိရတုန်းဆိုရင်
မျက်စိ နား နှာ လျှာ ကိုယ် စိတ် ဆိုတဲ့ အာယတန (၆)ပါး ရှိနေလို့ဘဲ။
ဒါဖြင့် အာယတနာတွေ ဘာဖြစ်လို့ ရှိနေရတာလည်းလို့ဆိုရင် နာမ်တွေ ရုပ်တွေ ရှိနေလို့ဘဲ၊
နာမ်ရုပ်က ဘာဖြစ်လို့ ရှိရပြန်တာလည်းဆိုရင် ၀ိညာဏ်ရှိနေလို့ဘဲ၊
ဝိညာဏ်က ဘာဖြစ်လို့ ရှိရတုံးဆိုရင် သင်္ခါရဆိုတဲ့ ကံတရားရှိနေလို့ဘဲ၊
ဒါဖြင့် ဒီသင်္ခါရက ဘာဖြစ်လို့ရှိရတုန်းဆိုရင် အ၀ိဇ္ဇာကြောင့်ဘဲ ဆိုပြီး အဆုံးကနေ အစထိအောင် သွားတယ်။

ဘုရားလောင်းတွေဟာ နောက်ကြောင်းပြန်ပြီး အကြောင်းအရာတွေကို ရှာရှာပြီး ဆင်ခြင်စဉ်းစားသွားတာ၊
အကြောင်းအရာကို ရှာတွေ့တယ်၊ မှန်ကန်တဲ့အကြောင်းအရာတွေကို ရှာတွေ့နိုင်တယ်ပေါ့၊
သစ္စာတရားဆိုတာလည်း အကြောင်းနဲ့ အကျိုးပဲ ရှာတာဘဲ၊ ပဋိစ္စသမုပ္ပါဒ်လည်း အကြောင်းနဲ့အကျိုးရှာတာဘဲ၊
ဒါကြောင့် သစ္စာနဲ့ ပဋိစ္စသမုပ္ပါဒ်ဟာ အကျဉ်းနှင့် အကျယ်ပဲကွာတယ်ပေါ့။

ဆရာတော်ကြီး၏ သီလဂုဏ် သမာဓိဂုဏ် ပညာဂုဏ်တို့အား ရိုသေစွာဖြင့် ရှိခိုးပူဇော်ပါ၏  _/\_/\_/\_....

ဆရာတော်ကြီး အရှင်နန္ဒာမာလာဘိဝံသ၏ "ပဋိစ္စသမုပ္ပါဒ်နှင့် ၀ိပဿနာ" စာအုပ်မှ
ကောက်နုတ်စာစီ၍တရားအလှူပြုအပ်ပါသည်..။ (page 23 to 29)
ဓမ္မအသိဖြင့် အကျိုးရှိရှိနေမည်။။။
မိုးတိမ်လွင်ပြင် (ပခုက္ကူ)

အလေးထား၍ စဉ်းစားဆင်ခြင်ကောင်းအောင်ပြင် (အပိုင်း ၁)

လောကလူတွေမှာ အရေးကြီးဆုံးက ကောင်းအောင်ပြင်ဖို့ အရေးကြီးဆုံးပဲ။
မြတ်စွာဘုရားသာသနာတော်နဲ့ ကြုံတွေ့တဲ့အချိန်မှာမှ မိမိကိုယ်ကို ကောင်းအောင် မပြင်လိုက်နိုင်ဘူးဆိုရင်
နောင် ကောင်းအောင်ပြင်ဖို့ဆိုတာ တော်တော်ခဲယဉ်းသွားလိမ့်မယ်။
လောကမှာ ရုပ်ကိုပြုပြင်ကြတာတော့ ခေတ်ကာကမရွေး၊ ဒေသမရွေး ပြုပြင်နေကြတာပဲ။
လူတွေက မိမိရဲ့ ရုပ်ခန္ဓာ ကိုယ် မလှ, လှအောင်၊ မ၀, ၀အောင်ဆိုတာ နေ့စဉ်နဲ့အမျှ ပြင်နေကြတာ။
မိမိတို့ကိုယ်တိုင်ပြင်တာ အားမရလို့ ပြုပြင်တဲ့ဌာနတွေ ဗျူတီပါလာတို့ ဘာတို့သွားပြီး ပြင်နေကြတာပဲနော်။

ဒီတော့ လောကမှ လူတွေဟာ ဘာတွေလုပ်နေသလဲလို့ စဉ်းစားကြည့်ရင် ပြင်နေကြတာပဲ။
အများစုက ဘာတွေပြင်နေတာတုန်းလို့ မေးကြည့်လိုက်ရင် ကိုယ်ခန္ဓာကိုယ်ကြီးကောင်းအောင် ပြင်နေကြတာပဲ မဟုတ်လား။
Physical Body လို့ခေါ်တဲ့ အပြင်ပန်း ရုပ်ခန္ဓာကိုယ်ကြီး လှဖို့အတွက် လူတိုင်း ကြိုးစားနေကြတယ်။
သပ်ရပ်သန့်ရှင်းမှုဆိုတဲ့ အနေအထားထက် ကျော်လွန်ပြီးတော့ လှဖို့ပဖို့ဆိုတဲ့ အဆင့်ထိ ရောက်လာတယ်။

လူဆိုတာ သန့်သန့်ရှင်းရှင်း၊ သန့်သန့်ပြန့်ပြန့် ဒီလိုတော့ နေရမှာပေါ့။
အလှပြင်တာနဲ့ သန့်ရှင်းအောင်နေတာ မတူဘူး။
သန့်ရှင်းအောင်နေတယ်ဆိုတာ ကိုယ့်ခန္ဓာကို အညစ်အကြေးတွေ မကပ်ရုံ၊ သင့်တော်ရုံ သန့်ရှင်းပြီးတော့နေတာ၊
ဒါ အလှပြင်တာမဟုတ်ဘူး။ သန့်ရှင်းအောင်နေတာ။
လူတိုင်းလူတိုင်း ခန္ဓာကိုယ်သန့်ရှင်းအောင်ကတော့ နေသင့်တယ်ပေါ့။

သန့်ရှင်းမှုက ကျန်းမာရေးအတွက်လည်းပဲ အထောက်အကူပြုတယ်၊ အသိဉာဏ်ဖွံ့ဖြိုးဖို့အတွက်လည်းပဲ အထောက်အကူပြုတယ်။
ရုပ်ခန္ဓာကြီးက ညစ်ပတ်နေမယ်၊ ကိုယ်ဝတ်တဲ့ အ၀တ်အစားတွေက ညစ်ပတ်နေမယ်၊ ကိုယ်နေတဲ့အိမ်ဂေဟာက ညစ်ပတ်နေမယ်၊
အစစအရာရာ ညစ်ပတ်နေမယ် ဆိုလို့ရှိရင် လူက ရောဂါလည်းရနိုင်တယ်၊ စိတ်ကြည်လင်မှုကိုလည်း မဖြစ်စေနိုင်ဘူး။
စိတ်စွမ်းအားတွေပါ ကျသွားတက်တယ်။

ဒါကြောင့်မို့ ပညာရပ် တိုးတက်ဖို့ဆိုတဲ့အထဲမယ် သန့်သန့်ရှင်းရှင်းနေတက်ဖို့ဟာ အကြောင်းတစ်ခုပဲ။
ကမ္မဋ္ဌာန်းအားထုတ်တဲ့ ပုဂ္ဂိုလ်တွေ ဒါကို သတိထားရမယ်။
ကမ္မဋ္ဌာန်းအားထုတ်ရင် ညစ်တီးညစ်ပတ်တော့ သွားအားမထုတ်လေနဲ့၊
ဘာဖြစ်လို့ ညစ်တီးညစ်ပတ် အားမထုတ်လေနဲ့လို့ ပြောတုန်းဆိုရင်
မည်းညစ်နေတဲ့ မီးစာ၊ မည်းညစ်နေတဲ့ဆီတို့မှာ ထွန်းထားတဲ့
မီးဟာ မတောက်ပဘူး၊ သန့်သန့်ပြန့်ပြန့်ဆိုရင် ပိုပြီးတော့ တောက်ပတယ်။
လူမှာလည်းပဲ ထို့အတူပဲ၊ ခန္ဓာကိုယ်သန့်ရှင်းရေး အားနည်းနေတယ်၊
သန့်ရှင်းမှုမရှိဘူး ဆိုလို့ရှိရင် လူ့ရဲ့စိတ်ဟာ မကြည်လင်လို့ အသိအသိဉာဏ်လည်း မတောက်ပဘူးလို့ ဒီလိုပြောတာ၊
ရုပ်ခန္ဓာကိုယ်နဲ့ နာမ်တရားဆိုတာ ဆပ်စပ်နေတာမို့ သန့်ရှင်းမှုတော့ လုပ်ရမယ်။

မြတ်စွာဘုရား ကိုယ်တိုင်ကိုက ခန္ဓာကိုယ်ကို သန့်ရှင်းအောင် လုပ်ရမယ်လို့
ဟောတဲ့နေရာ အင်မတန်မှနည်းတယ်၊ မရှိသလောက်ပဲ။
"သစိတ္တ ပရိယောဒပနံ" ကိုယ့်စိတ်လေးကို ကိုယ်ဖြူစင်အောင် လုပ်ပါလို့ပဲဟောတယ်၊ စိတ်ဖြူစင်မှုက အဓိကကျတယ်၊
ဒါကြောင့် စိတ်ဖြူစင်မှုကို အရေးပးပြီးတော့ လုပ်ရမှာဖြစ်တယ်။

စိတ်ဖြူစင်အောင်လုပ်တယ် ဆိုတဲ့နေရာမှာ ဘာတွေက မဖြူစင်တာလဲ? ဘယ်အရာတွေ ကိုယ့်စိတ်ထဲရှိနေရင် မဖြူစင်တာလဲ?
ဘယ်အရာတွေဖြစ်မှ ဖြူစင်တာလဲ? ဆိုတာလည်း သိဖို့လိုတယ်။
ပြင်ပဗဟိဒ္ဓမှာ ကိုယ့်အ၀တ် ညစ်ပေနေလို့ရှိရင် သိတယ်၊
ဒါက အ၀တ် ညစ်ပေစေတက်တယ်။ ဖုန်တွေ အရောင်မကောင်းတဲ့ အညစ်အကြေးတွေပေါ့။
အဲဒါတွေကို စင်ကြယ်အောင် စင်ကြယ်စေတက်တဲ့ ဆပ်ပြာတို့ ရေတို့နဲ့ရောပြီးတော့ လျှော်ကြ၊ စင်ကြယ်အောင်လုပ်ကြ၊ ဖြူစင်အောင် ကြိုးစားကြတယ်။
သို့သော် ကိုယ့်စိတ်လေးညစ်ထေးနေတာကျတော့ စင်ကြယ်အောင်လုပ်ဖို့ အများက သတိမရဘူး၊
လွှတ်ထားကြတယ်။ လူ့သဘာဝလို့လည်း တွက်တယ်။
"လူဆိုတာ လှတာမြင်ရင် သဘောကျမယ်၊ မလှတာမြင်ရင် စိတ်ထဲမှာ မခံချိ မခံသာဖြစ်မယ်၊
ဒါ လူ့သဘာဝပဲ" ဆိုပြီးတော့ လွှတ်ထားကြတယ်၊
စိတ်ရဲ့ အညစ်အကြေးမှန်း မသိကြဘူး၊ အညစ်အကြေးလို့ အသိအမှတ်မပြုကြဘူး။
အဲဒီလို မသိသေးသမျှ ကာလပတ်လုံး စိတ်ဖြူစင်အောင်စိတ်အလှပြင်ဖို့ဆိုတာကို ဘယ်သူမှ လုပ်မှာမဟုတ်ဘူး။။။

သန့်ရှင်းမှုထက် ကျော်လွန်ပြီးတော့ အလှပြင်တာမျိုးကျတော့ တစ်ဖက်စွန်းရောက်သွားပြီ။
မလှ, လှအောင် မရှိတာကို အရှိလုပ်တာပေါ့နော်။
အခုခေတ်မှာ မရှိတာကို အရှိလုပ်တာ တော်တော်များတယ်။
ကိုယ့်မှာ အမေမွေးတုန်းက ဆံပင်ကလေးက အနက်ရောင်ကလေးရှိတာ၊
အဲဒါ ရွှေဝါရောင်ရှိချင်တယ်။ အခြားအညိုရောင်ရှိချင်တယ်၊ ရောင်စုံရှိချင်တယ်ပေါ့လေ။
ဒီလို မရှိတာကို ရှိချင်လို့ ရှိအောင်လုပ်လာတဲ့အခါကျတော့ ပြဿနာကို ဖိတ်ခေါ်သလိုဖြစ်တယ်။
ဆံပင်ကို ဆေးဆိုးတာတွေဟာ အန္တရာယ်ရှိမရှိ ဆရာဝန်တွေကို မေးကြည့်တဲ့အခါကျတော့ အန္တရယ်ရှိတယ်တဲ့။
ဒီဆေး chemical တွေဆိုတာ ချက်ချင်းတော့ ဒုက္ခမပေးဘူးပေါ့၊ သဘာဝမဟုတ်ဘဲနဲ့ ကျော်လွန်းပြီးတော့
လုပ်ထားတဲ့ဆေးတွေမှာပါတဲ့ chemical နဲ့ ဖြစ်ပေါ်စေတဲ့အရောင်တွေ အဲဒါတွေက လူ့ရဲ့ဆံပင်ကို ဆိုးရင်းကနေပြီး
ဦးရေတွေဘာတွေထိအောင်ထိလာတယ်။ ထိတဲ့အခါကျတော့ ဒါတွေဟာ အန္တရာယ်ရှိတယ်လို့ ဒီလိုပြောတာ၊
ဘယ်အရာပဲဖြစ်ဖြစ် အလေးမနက်ထားဆင်ခြင်စဉ်းစားဖို့ရာ လိုအပ်တယ်ပေါ့။

လောကလူတွေ ပြင်ဆင်နေကြတာ ဘာတွေကို ပြင်ဆင်တုန်းဆို ကိုယ့်ခန္ဓာကိုယ်ကိုလှဖို့ပဖို့ ပြင်ကြတယ်။
သို့သော် မပြင်ဘဲနေတာ ဘာလဲလို့ဆိုရင် အကျင့်စရိုက်တွေ မပြင်ဘူး။
စိတ်နေသဘောထားတွေ မပြင်ဘူးတဲ့။ စိတ်တိုတက်တဲ့ လူက
"ငါ စိတ်တိုတက်တယ်နော်" ဆိုပြီး ဂုဏ်တောင်ယူနေသေးတယ်။
"ငါ့ လာမစမ်းနဲ့၊ ငါ့စိတ်ကမရဘူး" လို့ပြောတယ်။ ဒါပေမယ့် ပြင်ဖို့ စိတ်မ၀င်စားဘူး။
လောဘကြီးတဲ့သူကလည်း ပြင်ဖို့စိတ်မ၀င်စားဘူး၊ ဒေါသကြီးတဲ့သူကလည်း ပြင်ဖို့စိတ်မ၀င်စားဘူး။
ကိုယ့်ကိုယ်ကို ပြန်ဆန်းစစ်လေ့လာကြည့်ပြီး ကိုယ်ဘာတွေ ၀ါသနာပါတယ်ဆိုတာ ပြင်ဖို့စိတ်မ၀င်စားဘူး။
တစ်ခါတုန်းက ပြောသံကြားဖူးတယ်၊ အသက်အရွယ်ကြီးတဲ့ အဘိုးကြီးတွေ အဘွားကြီးတွေ မြေးသံယောဇဉ်တော့ ဖြတ်နိုင်ပါတယ်၊
ကိုရီးယားဇာတ်ကားလေးတော့ ကြည့်ပါ့ရစေဦးဆိုတာ - အပြင်နိုင်တာလေးတွေ ရှိတယ်လို့ ဒီလိုဆိုလိုတာပေါ့နော်။
အဲဒီလိုကိုယ့်စိတ်ကို မပြင်နိုင်ကြဘူး။ လူတွေဟာ စိတ်မပြင်နိုင်လို့ သံသရာထဲမှာ တ၀ဲလည်လည် ဖြစ်နေတာလေ။

ဘာတွေဟာ စိတ်တွေရဲ့ အညစ်အကြေးတွေလဲ၊ Impurity တွေလဲ၊
အဲဒါတွေကို ဘယ်လိုစင်ကြယ်အောင် လုပ်ရမလဲ? ဆိုတာ သိတဲ့ပုဂ္ဂိုလ်တွေကျတော့ ရခိုင်နှုန်းပိုနည်းသွားပြီ။
ဒါကြောင့်မို့ မြတ်စွာဘုရားသာသနာတော်နဲ့ တွေ့ကြုံလာတဲ့ အခိုက်ကလေးမှာ စိတ်ရဲ့အညစ်အကြေးဆိုတာ ဘာတွေလဲ၊
စိတ်မဖြူစင်ဘူးဆိုတာ ဘာလဲ၊ စိတ်ကို မဖြူစင်စေတဲ့ စိတ်ရဲ့အညစ်အကြေးတွေကို ဘယ်လိုသန့်ရှင်းရေးလုပ်ရမလဲ ဆိုတာတွေ
သိရှိနားလည်ဖို့လိုတယ်။ အခုလို တရားပွဲကြီးတွေ ကျင်းပတာ ဒါတွေသိအောင်လုပ်တာနော်။
တကယ်ကတော့ ကိုယ့်ဘ၀မှာ မကောင်းတဲ့အရာတွေကို ဖယ်ရှားလို့ ကောင်းတဲ့အရာတွေကို လက်ခံကြိုးစားဖို့၊
ကောင်းအောင်ပြင်တက်ဖို့အတွက် ပညာယူနေတဲ့ သဘောပဲ။

"အလေးထား၍ စဉ်းစားဆင်ခြင် ကောင်းအောင်ပြင်" မိမိကိုယ်ကို မိမိ အလေးစား၍၊ မိမိရဲ့ ပတ်ဝန်းကျင် လောကကြီးကို
အလေးထား၍၊ မြတ်စွာဘုရား ဟောကြားတဲ့ အမှန်တရားတွေကို အလေးထား၍ အလေးအနက် ဆင်ခြင်စဉ်းစားပြီးတော့
ကိုယ့်ကိုယ်ကို ကောင်းအောင်ပြင်တယ်၊ ကောင်းအောင်ပြင်တယ် ဆိုတာ မကောင်းတဲ့ စရိုက်တွေ ကောင်းလာအောင်၊
အကုသိုလ်တွေ ဖယ်နိုင်အောင် ကြိုးစားတယ်၊ ကုသိုလ်တွေကို တိုးပွားလာအောင် ကြိုးစားတယ်၊ အကုသိုလ်မှန်မျှရှောင်လို့၊
ကုသိုလ်မှန်သမျှ မိမိသန္တာန်မှာ ပြည့်စုံစေအောင်၊ စိတ်ဖြူစင်အောင် ထားနိုင်အောင် ကြိုးစားအားထုတ်ကြတယ်။
အဲဒီလို အားထုတ်ခြင်းသည်သာလျှင် မှန်ကန်တဲ့ လုပ်ရပ်ဖြစ်တယ်၊ ဒီလိုလုပ်မှသာလျှင် "လူ့ဘ၀တစ်ခု ရလာရကျိုး၊ ဘုရားသာသနာတော်နဲ့ ကြုံတွေ့ရကျိုး၊ တို့တစ်တွေ လူဖြစ်ရကျိုးနပ်မှာ" လို့ ကိုယ်စီကိုယ်စီ သဘောကျပြီးတော့ ကျင့်ကြံကြိုးကုတ် အားထုတ်တော်မူနိုင်ကြပါစေသတည်။
(သာဓု..သာဓု..သာဓု ပါ အရှင်မြတ်ဘုရား....။)

ဆရာတော် ဒေါက်တာနန္ဒမာလာဘိဝံသ၏ "အလေးထား၍ စဉ်းစားဆင်ခြင်ကောင်းအောင်ပြင်"
တရားစာအုပ်မှ ကောက်နုတ်၍ ဓမ္မဒါနပြုအပ်ပါသည်.။
၂၀၁၄ ခုနှစ် မင်္ဂလာနှစ်သစ်မှာ ကုသိုလ်ကောင်းမှု့တို့ဖြင့် ပြည့်စုံနိုင်ကြပါစေရှင်...။
မိုးတိမ်လွင်ပြင် (Pakokku)